Etirazçılar Makronun həyat yoldaşının qohumunu döydülər

Bazar ertəsi Fransanın şimalındakı Amiens şəhərində hökumət əleyhinə nümayişçilər prezident Emmanuel Makronun həyat yoldaşının böyük qardaşı oğlunu döyüblər.
 

Sfera.az xəbər verir ki, 30 yaşlı Jan-Batist Tronierin Bricit Makronun ailəsinə məxsus olan “Trogneux” şokolad mağazasının qarşısında hücuma məruz qaldığı bildirilir. Zərərçəkənin atasının sözlərinə görə, hücum edənlər oğlunun başına, qollarına və ayaqlarına zərbələr endiriblər. Atanın sözlərinə görə döyənlər qaçmazdan əvvəl prezidenti, həyat yoldaşını və onun ailəsini təhqir ediblər.
 

Jurnalistlər bildiriblər ki, hücum prezident Emmanuel Makronun bazar ertəsi gecə ölkənin əsas televiziya xəbər proqramında çıxışından qısa müddət sonra baş verib.

Amiens polisi Makronun qohumunun döyülməsində iştirak etdiyi iddia edilən səkkiz nəfərin həbs edildiyini bildirib.
 

Brigitte Makron hadisəyə reaksiya verərək, qorxaqlığı, axmaqlığı və zorakılığı pisləyib. O, ailəsi ilə həmrəy olduğunu bildirib.
 

Hadisə ilə bağlı Fransa prezidenti Emmanuel Makron da danışıb. O, Jan-Batist Tronyeyə qarşı zorakılığı qəbuledilməz və ifadə olunmaz adlandırıb. O, döyülən qohumun məhz böyük qardaş oğlu olduğu üçün hücuma məruz qaldığını bildirib.
 

“Heç bir zorakılığa haqq qazandırmaq olmaz, çünki şifahi zorakılıq fiziki zorakılığa, mülkiyyətə qarşı zorakılıq isə insanlara qarşı zorakılığa gətirib çıxarır”– deyə Makron bildirib.


Qeyd edək ki, Fransanın ən böyük həmkarlar ittifaqlarının üzvləri pensiya yaşının 62-dən 64-ə qaldırılmasını nəzərdə tutan pensiya islahatına qarşı atışma və tətillər təşkil ediblər.


Fransa Daxili İşlər Nazirliyinin məlumatına görə, 80 mini Parisdə olmaqla, 1,12 milyon etirazçı ölkə küçələrinə çıxıb. Bundan başqa, Fransa paytaxtının küçələrində kommunal işçilərin tətilləri səbəbindən 10 ton zibil yığılıb.
 

Aprelin 6-da isə pensiya islahatına etiraz edənlər Monparnas bulvarında Fransa prezidenti Emmanuel Makronun sevimli restoranını da yandırıblar. Nəticədə bir qrup nümayişçi ilə polis arasında toqquşma baş verib.
 

Bundan əvvəl, aprelin 4-də Fransanın Avinyon şəhərində Fransa prezidenti Emmanuel Makronla Hitler obrazında çəkilmiş divar rəsmləri peyda olub. Fransa liderinin pensiya islahatı haqqında qanunu parlamentdə səsvermə olmadan təsdiq etməyə imkan verən Konstitusiyanın 49.3-cü maddəsini tətbiq etmək qərarına gəlməsinə yerli sənətçi etirazını belə ifadə edib.
 

Aysel

Sfera.az