Texas ştatının Korpus Kristi yaxınlığındakı Mustanq Adası Dövlət Parkına gələn qonaqlar İkinci Dünya Müharibəsində batmış nasist gəmisindən yük aşkar ediblər.

Uzaqdan baxanda o, qızıl və daş-qaşlarla dolu çoxdan unudulmuş sandığa oxşayır, amma əslində müharibə üçün daha praktik və lazımlı bir şeydir: rezin.

Sfera.az bildirir ki, “SS Rio Grande” adlı nasist blokada gəmisi 1944-cü ildə Braziliya sahillərində iki Amerika gəmisi, bir kreyser və bir esmines tərəfindən aşkarlanıb.

Nasist gəmisinin içərisində qalay, mis və kobalt yükləri ilə birlikdə rezin bağlamalar gizlədilib.

Amerika gəmisi batana qədər “Rio Grande”ni bombalayıb və düşmənin bütün yüklərini okean dibinə göndərib.

Bu yaxınlarda Mustanq adasında tapılan bu 200 funtluq (təxminən 91 kq) rezin rulon ABŞ sahillərində görünən ilk “xəzinə" deyil. Belə tapıntılara vaxtaşırı Texas və Floridada rast gəlinir.

Qeyd edək ki, İkinci Dünya Müharibəsi Milli Muzeyinin məlumatına görə, rezin münaqişədə iştirak edən bütün ölkələr üçün müharibədə həyati əhəmiyyət kəsb edirdi. Hərbi istehsalı saxlamaq üçün kauçuk daim qıt olub.

Aysel

Sfera.az