Filə pivə verib video çəkdi: Qalmaqal böyüdü - VİDEO

Bir İspaniya vətəndaşı Keniyadakı milli parklardan birində çəkiliş aparıb, daha sonra yerli fillərdən birinə şüşədə pivə verib.


Sfera.az bildirir ki, turistin davranışını əks etdirən görüntülər heyvan hüquqları müdafiəçilərini və yerli sakinləri qəzəbləndirib və onlar cinayətkarın cəzalandırılmasını tələb ediblər.
 

Hadisədə iştirak edən şəxs videonu sosial şəbəkələrindən silsə də, yerli hüquq-mühafizə orqanları artıq işi araşdırır.
 

Qısa videoda, jurnalistlərin qeyd etdiyi kimi, qoruqda olan bir kişinin Keniyanın məşhur “Tusker” brendinin pivəsini içdiyi və şüşədə qalanını filə “təklif etdiyi” əks olunub. Turist özü gülməli bir paylaşım olduğunu düşündüyü videonu hər yerdə paylaşmaq qərarına gəlib, lakin çoxlu tənqidlərdən sonra videonu tez silib.
 

Video “Sadəcə bir fil dostu ilə bir fil” başlığı ilə paylaşılıb:

Jurnalistlər görüntülərin həqiqiliyini təsdiqləyiblər. Bütün məlumatlar göstərir ki, çəkilişlər Laikipia qraflığında (Mərkəzi Keniya) Ol Jogi Mühafizəsində aparılıb.

"Bu, heç vaxt olmamalı idi. Biz təbiətin mühafizəsi ilə məşğul oluruq və buna icazə verə bilmərik. Biz insanların fillərə yaxınlaşmasına belə icazə vermirik"- deyə qoruğun yerli mühafizəçisi Frank bildirib.
 

İnsident Keniya Vəhşi Təbiət Xidmətinin (KWS) nümayəndələrinin də mühafizə olunan ərazidə vəhşi heyvanlarla davranış qaydalarının pozulması ilə bağlı diqqətini cəlb edib. Yerli sakinlər turistin spirtli içki təklif etdiyi fili də tanıyıblar. Filin 1989-cu ildə Zimbabvedə səkkiz yaşında ikən heyvanların kütləvi şəkildə güllələnməsi zamanı Keniyaya aparılan Bupa adlı erkək olduğu ortaya çıxıb.


"O, (turist) həm öz həyatını, həm də heyvanın həyatını riskə atdı. Keniyadakı fillərin təxminən 95%-i vəhşidir və bu cür videolar onlara yaxınlaşıb qidalandırmaq mümkün olduğu barədə yanlış təəssürat yaradır" - bioloq və fil mühafizəçisi Dr. Vinni Kiru bildirərək əlavə edib ki, adamın davranışını "təhlükəli dəlilik" adlandırıb.
 

Hazırda sosial şəbəkələrdə həmin şəxsin məsuliyyətə cəlb edilməsi, hətta onun belə əməlinə görə ölkədən deportasiya olunması ilə bağlı çağırışlar edilir.

Xatırladaq ki, son vaxtlar Keniyada turistlərin vəhşi heyvanlarla davranış qaydalarını pozması ilə bağlı bir sıra hadisələr baş verib. Xüsusilə, ötən həftə bir qrup turist Masai Mara qorunan ərazidə vəhşi heyvanların gəzintisinə mane olarkən lentə alınıb. İnsanlar maşınlarından düşüb, çayın sahilində sıxışıblar və əslində heyvanları timsahların pusquda qaldıqları suya salıblar.
 

Həmin hadisədən sonra Keniyanın Turizm və Vəhşi Təbiət Nazirliyi davranış qaydalarını sərtləşdirib. İndi bütün operatorlar və bələdçilər turistlərin hərəkətinə nəzarət etməlidir, yeni xəbərdarlıq nişanları quraşdırılacaq, bəzi marşrut xətləri dəyişdiriləcək, məlumatlandırma işləri gücləndiriləcək.

Aynil