“Vaqner” muzdlu qrupunun rəhbəri Yevgeni Priqojin Rusiyanın müdafiə naziri Sergey Şoyquya müraciət edib.

Sfera.az bildirir ki, bu barədə Priqojinin mətbuat xidməti məlumat dərc edib.

“Putinin aşpazı” kimi tanınan iş adamının Şoyqunu Baxmuta dəvət etdiyi qeyd olunub.

““Vaqner”in cinahlarında düşmən bir sıra uğurlu əks-hücumlara başladı. Çətin əməliyyat vəziyyətini, eləcə də çoxillik döyüş əməliyyatları təcrübənizi nəzərə alaraq, Rusiya Federasiyasının hərbiləşdirilmiş birləşmələrinin nəzarətində olan Baxmut ərazisinə gəlməyinizi və mövcud vəziyyəti müstəqil şəkildə qiymətləndirmənizi xahiş edirəm”, - bəyanatda bildirilib.

Xatırladaq ki, Priqojin dəfələrlə Ukrayna qoşunlarının vəd edilmiş əks-hücum əməliyyatını artıq həyata keçirməyə başladığını deyib. O, həmçinin cəbhə xəttində döyüşçüləri üçün sursat çatışmazlığından şikayətlənib. 

Günay Rəsulqızı