2023-cü ildə Azərbaycan iqtisadiyyatına sərmayə qoyuluşunda kəskin artım müşahidə edilir. 

Sfera.az rəsmi məlumatlara istinadən xəbər verir ki, bu ilin yanvar-aprel aylarında əsas kapitala 4,58 milyard manat məbləğində, yaxud 2022-ci ilin müvafiq dövrü ilə müqayisədə 21,1 faiz çox vəsait yönəldilib. 

İnvestisiya qoyuluşunda artım həm neft-qaz sektorunda, həm də qeyri neft-qaz sahələrində müşahidə edilir. Neft-qaz sektoruna yatırılan investisiyaların həcmi 25,8 faiz, qeyri neft-qaz sektoruna yönəldilən vəsaitin həcmi isə 18,5 faiz artıb. 

Əsas kapitala yönəldilən vəsaitlərin 3,344 milyard manatını və ya 73 faizini daxili vəsaitlər təşkil edib. Əsas kapitala yönəldilən vəsaitlərin 3,252 milyard manatı və ya 71 faizi bilavasitə tikinti-quraşdırma işlərinin yerinə yetirilməsinə sərf olunub.

Vasif