Dünyada məcburi köçkünlərin sayı rekord həddə çatıb – Səbəb
Münaqişələr və təbii fəlakətlər nəticəsində məcburi köçkünlərin sayı ötən il rekord həddə - 71,1 milyon nəfərə çatıb.
Sfera.az xəbər verir ki, Cenevrədə yerləşən Daxili Köçürülmə üzrə Monitorinq Mərkəzinin (IDMC) hesabatında deyilir ki, bu rəqəm 2021-ci ildən bəri misli görünməmiş sayda artım deməkdir.
2022-ci ilin sonuna qədər Rusiyanın işğalı səbəbindən 5,9 milyon insan Ukrayna daxilində köçmək məcburiyyətində qalıb və bu, münaqişə və zorakılıq nəticəsində məcburi köçkünlərin qlobal sayının 62 milyonu ötməsinə səbəb olub – 2021-ci ildən bu yana 17 faiz artım.
Suriyada isə on ildən çox davam edən vətəndaş müharibəsindən sonra 6,8 milyon insan qaçqın düşüb. Daşqınlar və aclıq kimi fəlakətlər səbəbindən ilin sonunda ölkə daxilində didərgin düşmüş insanların sayı 2021-ci ilə nisbətən 45 faiz artaraq 8,7 milyon nəfərə çatıb.
Birləşmiş Millətlər Təşkilatının miqrasiya agentliyi bu həftə bildirib ki, bir neçə həftə ərzində Sudandakı münaqişə nəticəsində 700 min insan məcburi köçkün vəziyyətinə düşüb.
Əzizə