Bugün dahi şəxsiyyət, görkəmli dövlət xadimi Heydər Əliyevin anadan olmasından 100 il ötür. Bu münasibətlə Rabitəbank rəhbərliyi Fəxri xiyabanı ziyarət edib, Ulu Öndərin məzarı önünə gül dəstələri qoyub, əziz xatirəsini bir dəqiqəlik sükutla yad ediblər. Ümummilli liderimiz Heydər Əliyevə qarşı olan sonsuz hörmət və sevgi qəlbimizdə əbədi yaşayacaq.

Müasir Azərbaycanın müstəqilliyi Heydər Əliyevin adı ilə bağlıdır. 1969-cu ildə respublika rəhbərliyinə gələn Heydər Əliyev, sosial-iqtisadi böhran keçirən ölkəmizi 1970-1980-ci illərdə keçmiş İttifaqın ən qabaqcıl respublikalarından biri səviyyəsinə çıxarmışdı. Təsadüfi deyil ki, müasir mərhələdə Azərbaycanın dövlət suverenliyi və iqtisadi müstəqilliyi məhz həmin illərdə əsaslanır.

Azərbaycan xalqı Ulu Öndərin bu əvəzsiz xidmətlərini heç vaxt unutmayacaq.

Müstəqil Azərbaycanın qurucusu və memarı, gənc nəslin yaddaşına ölkəmiz üçün həll edici addımları ilə həkk olunan Ümummilli liderimiz Heydər Əliyevə qarşı olan sonsuz hörmət və sevgi qəlbimizdə əbədi yaşayacaq.