Cennifer Lopez özünü makiyajsız göstərdi - VİDEO
Amerikalı müğənni və aktrisa Cennifer Lopez İnstaqramda yeni dəriyə qulluq videosu yerləşdirərək pərəstişkarlarına özünün "Bronx Goddess Glow" ticarət markasından istifadə qaydasını göstərib.
Sfera.az bildirir ki, videoda ulduz öz “JLO Beauty” məhsul xəttini nümayiş etdirib. Cey Lo öz brendinin dəriyə qulluq məhsulları haqqında danışmaq üçün abunəçilərə makiyajsız təmiz üzünü göstərib.
"Çoxunuz mənim beş dəqiqəlik sürətli görünüşümün nə olduğunu soruşursunuz. Mən buna Bronx Goddess Glow deyirəm və bu, dörd asan addımdan ibarətdir”- deyə Ceniffer Lopez bildirib.
JLo öz marka serumunu tətbiq etməklə başlayıb və izah edib ki, onun "Bronx Goddess Glow" seriyası dostları ilə rahat bir ziyafət üçün mükəmməldir: "Bu, ziyafət üçün həqiqətən sürətli bir şey etməli olduğunuz zamanlar üçündür. Çox təlaşlısansa, heç kəsi heyrətləndirməyə deyil, sadəcə ən yaxşı görünməyə çalışırsan."
Cennifer daha sonra bir az nəmləndirici tətbiq edib və alt göz qapaqlarına göz kremi çəkib. O, görünüşünü kontur, çəhrayı şampan işıqlandırıcı, tuş və dodaq parıldadıcısı ilə tamamlayıb.
"Bir az dodaq boyası heç kimə zərər verməz".
Son məcburi atribut ulduzun sevimli halqa sırğaları olub.
Aysel
Sfera.az
