Avstraliyanın Viktoriya ştatında 48 yaşlı Lillian Yip meşədə azıb və 5 gün yalnız şərab və konfetlə qidalanmaqla sağ qalıb. Xilasetmə əməliyyatı polis helikopterindən lentə alınıb.

Sfera.az bildirir ki, Lilian Yip adlı qadın qısa bir günlük səyahət etməyi planlaşdırıb və özü ilə bir neçə qəlyanaltı və lolipop götürüb. Yeganə maye, özü spirt içmədiyi halda, anası üçün hədiyyə olaraq aldığı bir şüşə şərab olub.
 

Xilasedicilər itkin düşən qadının çıxılmaz yolda itməsi və avtomobilinin palçığa ilişməsi nəticəsində qalın kolların arasından tapıldığını bildirib.
 

Bir neçə gün sonra polis helikopteri dağlıq ərazidə aparılan axtarış əməliyyatı zamanı avtomobili aşkar edib. Avtomobil ən yaxın şəhərdən 60 kilometr aralıda yerləşib.


Helikopterdən çəkilmiş videoda polis helikopterinin qadını tapdığı yerə doğru getdiyi görünür. Lillian susuzluqdan müalicə olunmaq üçün xəstəxanaya aparılıb. Dediyinə görə, o, sağ qalmayacağına o qədər əmin olub ki, ailəsinə məktub yazıb və onlarla vidalaşıb.
 

"Orada öləcəyimi düşünürdüm"-deyə qadın xilas edildikdən sonra bildirib.
 

Hüquq-mühafizə orqanlarının dediyinə görə, Lillianın qohumları keçən həftə onun gündəlik zənglərinə cavab vermədiyi üçün polisə müraciət ediblər. Keçən həftə fövqəladə hallar xidmətləri bölgədə intensiv axtarış aparsalar da, helikopter göndərilənə qədər itkin düşən qadının izini tapa bilməyiblər.
 

Polis qeyd edib ki, Lillian qısa bir günlük səfər planlaşdırıb və özü ilə yalnız bir neçə qəlyanaltı və şüşə konfet götürüb.

Aynil

Sfera.az