Son onilliklərdə dünyada daimi buzlaqların tədricən əriməsi və torpaq təbəqəsinin üzə çıxması prosesi sürətlənib. Buzlaqların əriməsi prosesinin sürətlənməsi dünyanın ən böyük adası olan Qrenlandiya sahillərində də görünüb.

 
Sfera.az CNN-ə istinadən xəbər verir ki, bununla bağlı faktlar aparılan araşdırmalar zamanı üzə çıxıb. ABŞ-nin Kaliforniya, İrvine Universiteti və NASA-nın Reaktiv Sürət Laboratoriyasından olan bir qrup qlasioloq buzlaqların əriməsi ilə bağlı araşdırmalarını yayımlayıblar. 

Araşdırma zamanı aydın olub ki, Qrenlandiyanın şimal-qərbindəki böyük bir buzlaq əriməyə başlayıb və bu, dəniz səviyyəsinin daha sürətli yüksəlməsinə səbəb olur. 
Qrenlandiyanın ən böyük buzlağından biri olan Petermann buzlağında aparılan müşahidələr göstərdi ki, onun okeanla təmasda olan hissəsi davamlı olaraq 2-6 kilometr irəli-geri dəyişir. Alimlər hesab edir ki, bu proses buzlağın əriməsini göstərir. Elm adamları müəyyən edib ki, Petermann buzlağı böyük ərimə mənbəyidir və bu proses dəniz səviyyəsinin yüksəlməsini dəstəkləyir. 

Buzlaqların əriməsini alimlər okeanlarda tempraturun yüksəlməsi ilə izah edirlər. Okeanların temperaturu yüksəldikcə ərimə prosesu gələcək illərdə daha da sürətlənə bilər. 

Dəniz səviyyəsinin yüksəlməsi dünyada sahil xətlərini təhdid edən əsas dəyişikliklərdən biridir. NASA hesab edir ki, Qrenlandiyanın əriyən buzları dəniz səviyyəsinin qalxmasına ən böyük töhfə verən amildir. Çünki burada isinən ocean suları ilə buzlaqların əlaqəsi daha çoxdur. Buna görə də Qrenlandiya buzlarının əriməsi sahil ərazilər üçün daha böyük risk yaradır. 

Vasif