Rusiya Avropanı sarsıtmağa və Türkiyə ilə münasibətləri kəskinləşdirməyə çalışır - İsveç mediası
Rusiya Federasiyasının xüsusi xidmət orqanları beynəlxalq siyasətə təsir etmək üçün Avropa ölkələrində pullu mitinqlər təşkil edirlər.
Sfera.az bildirir ki, İsveç jurnalistlərinin fikrincə, indi Rusiya Türkiyə ilə Avropa ölkələri arasında münasibətləri mümkün qədər narahat etməyə yönəlib.
Bunun üçün Avropada gizli işləyən Rusiya xüsusi xidmət orqanlarının agentlərinə təlimatlar verilib. Mitinq və etiraz aksiyalarını necə və hansı ssenari ilə təşkil etmək lazım olduğunu təsvir edirlər. Nümunə olaraq Stokholmdakı Türkiyə səfirliyi qarşısında Quranın yandırılması ilə bağlı vəziyyət göstərilir. Mətbuat iddia edir ki, məhz bu insidentlə bağlı rəsmi Ankara İsveçin NATO-ya daxil olmasına razılıq verməyib.
Bundan əlavə, müstəntiqlər müəyyən edə biliblər ki, martın 5-də Parisdə baş verən etiraz aksiyalarından Federal Təhlükəsizlik Qüvvələri də Ukraynanı gözdən salmaq və avropalılar arasında ukraynalılara qarşı mənfi münasibət formalaşdırmaq üçün istifadə edib. Bunun üçün təxribatçılar gənclərin Ukrayna bayrağının fonunda nasist salamı səsləndirdiyi video çəkiblər.
İsveç mediası həmçinin iştirakçıların Aİ, NATO və Ukraynanı tənqid etdiyi açıq-aydın səhnələşdirilmiş mitinqlərin 10 epizodunu tapdığını iddia edir. Bütün bunlar, yalnız son altı aydadır.
Hazırda Rusiya təxribatçılarına yeni tapşırıq verilib: onlara Türkiyə bayrağının yandırıldığı və Rəcəb Ərdoğanın ünvanına təhqirlərin əks olunduğu videoçarx çəkib yaymaq təklif olunub.
Xatırladaq ki, aprelin 25-də İsveçin xarici işlər naziri ölkənin rus diplomatlarını ölkədən çıxardığını açıqlamışdı. Rusiya səfiri daha sonra vəziyyəti şərh etməkdən imtina edib. Yerli jurnalistlər qeyd ediblər ki, əvvəllər İsveç hüquq-mühafizə orqanları Rusiya Federasiyasının hər üçüncü diplomatının xüsusi xidmət orqanlarında iştirak etdiyini iddia edirdilər.
2022-ci ilin avqustunda Ukrayna xüsusi xidmət orqanları Rusiya Federasiyası Federal Qüvvələrin Müstəqillik Günü üçün səhnələşdirilmiş "etiraz aksiyaları" təşkil etməsinə mane olub. Xüsusi xidmət Kiyev, Poltava və Jitomir vilayətlərində ictimai-siyasi vəziyyəti gərginləşdirmək üçün ukraynalı hərbçilərin qohumlarından istifadə etməyi planlaşdırıb.
Xanım
Sfera.az