Emin Əmrullayev Londonda forumda iştirak edir
“Dizayn təfəkkürü vasitəsilə daha güclü, daha cəsarətli, daha yaxşı təhsil üçün öyrənmə mədəniyyətinin təkmilləşdirilməsi, dözümlülüyün formalaşdırılması və dayanıqlılığın təşviq edilməsi” devizi altında təşkil edilən Dünya Təhsil Forumu öz işinə başlayıb.
Sfera.az Londonda keçirilən forumda ölkəmizi elm və təhsil naziri Emin Əmrullayevin rəhbərlik etdiyi nümayəndə heyəti təmsil edir.
Forum çərçivəsində Emin Əmrullayevin “Davamlılığın inkişafında təhsil və təhsil sistemlərinin inkişafında davamlılıq hansı rola malikdir?” adlı 7-ci plenar sessiyada çıxışı nəzərdə tutulur. Bununla yanaşı, elm və təhsil nazirinin iştirakı ilə ikitərəfli işgüzar görüşlərin keçirilməsi planlaşdırılır.
Bundan başqa, Emin Əmrullayevin iştirakı ilə ikitərəfli görüşlər keçirilib. Nazir Qazaxıstandan olan həmkarı Nurbek Sayasat və Özbəkistanın məktəbəqədər və ümumtəhsil naziri Xilola Umarova ilə görüşüb.
