Tramp yenidən Ukraynadakı müharibəni 24 saata bitirəcəyinə söz verdi - VİDEO
ABŞ-ın keçmiş prezidenti Donald Tramp Ukraynada müharibə barədə növbəti dəfə açıqlama verib. O, ABŞ prezidenti olacağı təqdirdə 24 saat ərzində buna son qoyacağına inanır.
Sfera.az bildirir ki, Tramp bunu “GB News”a müsahibəsində deyib.
Trampın fikrincə, Co Baydenin səriştəsizliyi olmasaydı, Vladimir Putin heç vaxt Ukraynaya hücum edə bilməzdi.
"Yenidən seçilsəm, Ukraynadakı müharibəni bir günə bitirəcəm. Bunu eliyə bilərəm. Çox asan olacaq. Bunun çoxu pulla bağlıdır"- deyə Tramp bildirib.
O, Ukraynadakı müharibəni “dayandırılmalı olan “fəlakət” adlandırıb.
Xatırladaq ki, Tramp artıq bundan əvvəl də Ukraynadakı müharibəni 1 günə bitirə biləcəyini demişdi. O, Ukraynanın hərbi cəhətdən güclənməsinin təşəbbüskarı olduğunu, ölkəyə hərbi sahədə kömək etməyə başladığını və əgər o, Ağ Evdə olsaydı, Putinin genişmiqyaslı işğal barədə qərar verə bilməyəcəyini demişdi.
Daha əvvəl isə Tramp Rusiya prezidenti Vladimir Putinlə yaxın münasibəti ilə öyünüb və çox yaxşı anlaşdıqlarını demişdi. Ağ Evin keçmiş sahibi qeyd edib ki, Ukrayna mövzusu onun ABŞ prezidenti olarkən Rusiya lideri ilə söhbətlərində tez-tez müzakirə mövzusu olub.
ABŞ-ın eks-prezidenti əmindir ki, işğalçı ölkə Rusiya lideri ilə razılığa gələ bilər.
Aysel
Sfera.az