NATO xəbərdarlıq edir - Rusiya sualtı infrastruktur obyektlərinə hücum edə bilər
![NATO xəbərdarlıq edir - Rusiya sualtı infrastruktur obyektlərinə hücum edə bilər](https://sfera.az/photo/orginal/2023/05/04/1683219478_su.jpg)
Rusiya Avropanın və ABŞ-ın Atlantik, Baltik və Şimal dənizlərindəki ən mühüm sualtı infrastruktur sistemlərinin xəritəsini tərtib edir. Bu, mümkün hücum üçün edilir.
Sfera.az xəbər verir ki, bunu NATO baş katibinin kəşfiyyat və təhlükəsizlik üzrə köməkçisi Devid Kuttler deyib. NATO-nun kəşfiyyat rəhbərinin sözlərinə görə, Rusiya Qərbin internet rabitəsinin 95%-ni təşkil edən sualtı kabelləri hədəfə ala bilər. Həmçinin, bu infrastrukturlardan hər gün təxminən 10 trilyon dollar məbləğində maliyyə əməliyyatları keçir.
Onun sözlərinə görə, Moskva Ukraynanı silahla təmin edən ölkələrdən təsir dairələri əldə etmək istəyir.
"Rusiya həm quruda, həm də dənizin dibində mühüm Müttəfiq infrastrukturunun xəritələşdirilməsi ilə fəal məşğul olur, bu səylər Rusiya hərbi və mülki kəşfiyyat xidmətləri tərəfindən dəstəklənir"- deyə Kuttler bildirib.
KİV yazır ki, NATO-ya üzv ölkələr internet rabitəsinin 95%-ni təşkil edən sualtı kabelləri qorumaq istəyirlər.
Kuttler münaqişənin ilkin mərhələlərində həyati əhəmiyyətli infrastrukturun sürətlə məhv edilməsini tələb edən Rusiyanın hərbi strategiyasına da işarə edib. RF Silahlı Qüvvələri bu taktikanı Ukraynada da tətbiq etməyə çalışır. Onun sözlərinə görə, Moskvanın səylərinə qismən Müdafiə Nazirliyinin sualtı kəşfiyyat proqramı rəhbərlik edir.
Çin Atlantik okeanında da aktiv olsa da, Kuttler zəiflikləri sınaqdan keçirməkdənsə, infrastrukturun alınmasında daha çox maraqlı olduğunu bildirib.
Jurnalistlərin məlumatına görə, NATO bu yaxınlarda general-leytenant Hans-Verner Wiermanın başçılıq etdiyi sualtı infrastruktur koordinasiya qrupu yaradıb. Onun sözlərinə görə, Alyans kritik sualtı kabellərin, boru kəmərlərinin və digər obyektlərin yaxınlığında və ya üzərində şübhəli fəaliyyəti aşkar etmək üçün nəzarəti artırmaq istəyir.
Xatırladaq ki, bir neçə qərbli ekspert qrupunun birgə araşdırması göstərib ki, Rusiya Hərbi Dəniz Qüvvələrinin gəmiləri partlayışlar ərəfəsində Şimal axınının yaxınlığında olub. Rusiya Federasiyasının Baltik Donanmasının sualtı əməliyyatlarla məşğul olan “Sibiryakov” gəmisi partlayışlar ərəfəsində “Şimal axınları”nın yerləşdiyi ərazidə olub.
Xanım
Sfera.az