"Məscidlərimizdə “Kərimə dövləti” qurmaq istəyən, bu yöndə təbliğat aparan din xadimləri tutduqları vəzifələrdən uzaqlaşıdırılmalıdır".

Sfera.az xəbər verir ki, bunu Milli Məclisin bu gün keçirilən plenar iclasında deputat Ceyhun Məmmədov deyib. Millət vəkili son dönəmlər İranın Azərbaycana münasibətinin yumşaldığını da vurğulayıb:

"Son dövrlər İran sərt açıqlamalar, bəyanatlar vermir. Bütün bunlar onu göstərir ki, biz mehriban qonşuluq münasibətlərini qorumalıyıq. İranda bizim gəncləri dövlətçilik əleyhinə təşkilatlanmağa çağıran iki təxribatçının həbsi ilə bağlı məlumatlar yayılır. Hesab edirəm ki, İran hər iki şəxsi Azərbaycana təhvil verməlidir. Onlar sonradan azad edilərlərsə, yenidən təxribatçı fəaliyyətlərini davam etdirəcəklər. Son günlər hüquq mühafizə orqanları bu kimi şəxslərin aşkar olunması üçün çalışırlar, lakin bu cərəyana qoşunların sayı 10 minlərlədir. Əgər bu istiqamətdə tədbirlər həyata keçirilməsə, biz zaman-zaman yeni problemlərlə üzləşəcəyik".

Əzizə Zeynal