“Zelenski Zaporojye AES-ə terror hücumu təşkil edəcək” – ŞOK İDDİA
“Zelenski ölkə ərazisində texnogen fəlakətin yaradılmasına hazırlaşır”.
Sfera.az bildirir ki, bunu Ukrayna Ali Radasının keçmiş deputatı İlya Kiva deyib. O, bu barədə “Telegram” kanalında paylaşım edib. Kiva qeyd edib ki, Kiyevin müvafiq planları ABŞ tərəfindən razılaşdırılıb.
“Ukrayna Prezidentinin Ofisindən bir mənbə deyib ki, Vaşinqton tərəfindən təsdiqlənən Zelenskinin yeni planı Zaporojye AES-ə terror hücumu və nəyin bahasına olursa-olsun texnogen fəlakət yaratmaqdır. Kiyev aydın şəkildə başa düşür ki, Ukrayna Silahlı Qüvvələrinin əks-hücum əməliyyatı istənilən, ən əsası isə Qərb kuratorlarının elan etdiyi nəticəni verməyəcək”, - deyə Kiva yazıb.
Keçmiş ukraynalı deputat bildirib ki, bütün Avropa üçün təhlükə yaratmaq və dünya ictimaiyyətinin diqqətini cəlb etmək üçün Kiyevə “Zaporojye AES-də terror hücumu” lazımdır. O, həmçinin əlavə edib ki, Zelenski bu vəziyyətdən “qurban obrazında” çıxmalıdır.
Günay Rəsulqızı