Türkiyənin xarici ticarətində pisləşmə davam edir - RƏQƏMLƏR

Türkiyənin xarici ticarətində pisləşmə davam edir. 

Sfera.az Türkiyə mənbələrinə istinadən xəbər verir ki, 2023-cü ilin birinci rübündə ölkənin xarici ticarətində kəsir 34,7 milyard dollara yüksəlib. 

Ötən ilin birinci rübündə xarici ticarətdə kəsirin məbləği 26,5 milyard dollar idi. Müqayisə göstərir ki, xarici ticarət kəsiri 8,2 milyard dollar və ya 30,7 faiz artıb. 

İxracın idxalı ödəmə nisbəti də pisləşib. 2022-ci ilin birinci rübündə ixrac idxalın 69,4 faizinə bərabər olduğu halda bu ilin birinci rübündə nisbət 64 faizə enib. 

Qeyd edək ki, Türkiyənin xarici ticarətinin pisləşməsi lirənin məzənnəsinə mənfi təsir göstərir. 2023-cü ilin əvvəlindən bəri lirə dollara nəzərən 5 faizə yaxın ucuzlaşıb.

İlin əvvəlində Türkiyədə bir dollar 18,7 lirə olduğu halda, hazırda 19,45 lirədir. 

Vasif