Azərbaycanın nəqliyyat sektorunda çalışan işçi sayı 73 266 nəfərdir. Son bir ildə onların sayı 1 165 nəfər azalıb. 

Sfera.az rəsmi məlumatlara istinadən xəbər verir ki, nəqliyyatda işləyənlərin 22 701 nəfəri avtomobil nəqliyyatında çalışır. Anbar təsərrüfatı və yardımçı nəqliyyatda 14 586 nəfər, hava nəqliyyatında 12 021 nəfər işçi var. 

Sektorun digər sahələrindən dəniz nəqliyyatında 6 540 nəfər, poçt və kuryer fəaliyyətində 6 178 nəfər, dəmir yolunda 4 519 nəfər, metroda 4 343 nəfər işləyir. 

Nəqliyyatda ən az işçi neft və qaz kəmərləri bölməsindədir. Neft kəmərləri sahəsində 763, qaz kəmərləri sahəsində 1 615 işçi çalışır. Son bir ildə avtomobil, neft kəmərləri və metroda işçi sayı artsa da digərlərində azalıb. 

İşçi sayında daha çox azalma dəmir yolu (694 nəfər) və qaz kəmərləri (617 nəfər) sahələrində qeydə alınıb. 

Nəqliyyatda ən yüksək maaş dəniz nəqliyyatındadır. Burada orta əməkhaqqı 1 994 manatdır. 

Hava nəqliyyatında orta maaş 1 711 manat, neft kəmərlərində 1 674 manat, qaz kəmərində 1 533 manat olub. Nəqliyyatda ən aşağı əməkhaqqı isə poçt və kuryer fəaliyyətlərindədir (439,1 manat). 

Vasif