"Yeni batalyonlar və bölmələr hazırlayırıq" - Volodimir Zelenski
Ukrayna Prezidenti Volodimir Zelenski dünən Kiyevin bəzi əraziləri zəbt edən Rusiya qüvvələrinə qarşı yeni hərbi hissələrin formalaşdığını açıqlayıb.
Sfera.az xəbər verir ki, Zelenski gündəlik videomüraciətində deyib:
“Biz artıq cəbhədə yerləşdirmək üçün yeni batalyonlar və bölmələr hazırlayırıq”.
Zelenski əlavə edib ki, Baş Qərargahla danışıqlarında əsas diqqət Ukraynanı Rusiya işğalından xilas etmək üçün hər cür imkanın yaradılmasına yönəlib.
“Ukraynada hər kəs başa düşməlidir ki, dövlətin əsas vəzifəsi torpaqlarımızın işğalına son qoymaq, torpaqlarımızı və vətəndaşlarımızı geri qaytarmaq, onları rus əsarətindən azad etməkdir”, - Ukrayna lideri çıxışında bildirib.
Zelenski dövlət resurslarının əsasən buna sərf ediləcəyini deyərək, “cəbhə xəttinin ən yüksək prioritet olduğunu” vurğulayıb.
Ukrayna prezidenti dəstəyə görə Qərb müttəfiqlərinə təşəkkür edib.
Əzizə