Türkiyədə hakim Ədalət və İnkişaf Partiyasının (AK Parti) ofisinə silahlı basqın olub.

Sfera.az Türkiyə mətbuatına istinadən xəbər verir ki, ötən gecə İstanbulun Kocasinan səmtində baş verən hadisə nəticəsində ölən olmayıb. 

Qeyd olunur ki, hələlik şəxsiyyəti müəyyən edilməyən naməlum şəxs partiyanın koordinasiya bürosunun qarşısında havaya atəş açıb, 4 güllə binanın yuxarı mərtəbələrinə dəyib. 

Hadisə yerinə çoxlu sayda polis əməkdaşları cəlb olunub. Faktla bağlı ilkin araşdırma aparılır.

Qeyd edək ki, oxşar hadisə hakim partiyanın Kuleli qərargahının qarşısındakı ərazisində də baş verib. Polis üç şübhəli şəxsi həbs edib.

İnci