Bu ölkə ABŞ sanksiyalarına qarşı hazırlıq görür: Qızıl ehtiyatı artırılır, istiqrazlar satılır
Son beş ayda Çinin mərkəzi bankı qızıl ehtiyatlarını artırır, eyni zamanda sahib olduğu ABŞ istiqrazlarının həcmini azaldır.
Sfera.az xəbər verir ki, bu barədə ABŞ-nin “The Epoch Times” qəzeti məlumat yayıb.
Məlumata əsasən, 2019-cu ilin sentyabrından 2022-ci ilin oktyabrına qədər Çinin qızıl ehtiyatları dəyişməz qalıb. 2022-ci ilin noyabrından bu ilin martına qədər isə Çin 3,86 milyon troya unsiya (təxminən 120 ton) qızıl alıb.
Alışların artmasından sonra Çin qızıl ehtiyatlarının böyüklüyünə görə dünyada altıncı sıraya yüksəlib.
Eyni zamanda Çin ABŞ dövlət istiqrazlarını satır. 2023-cü ilin yanvarın sonuna olan məlumata görə, Çinin 859,4 milyard dollarlıq ABŞ istiqrazları var. Amma bir neçə ay öncə istiqrazların həcmi 1 trilyon dollardan çox idi.
Ekspertlərin fikrincə, bu cür addımlar Çinin ABŞ-nin mümkün sanksiyalarından qorunmaq məqsədilə atılır. Rəsmi Pekin istisna etmir ki, ABŞ administrasiyası müxtəlif “bəhanələrlə” Çini dollar ilə ödəniş sistemindən xaric edəcək.
Vasif