Aktyor və müğənni Oğuzhan Koçla 7 aylıq evliliyini bitirməyə hazırlaşan türkiyəli aktrisa Demet Özdemir səssizliyini pozub.

Sfera.az Türkiyə KİV-lərinə istinadən xəbər verir ki, Demet Özdemir ötən gün jurnal çəkilişləri üçün Emirqanda olub. Qayıqda obyektiv qarşısına keçən məşhur aktrisa çəkilişdən sonra onu gözləyən müxbirlərin suallarını cavablandırıb.

“Aldatma və zorakılıq iddiaları doğru deyil. Aramızda kin, nifrət, qəzəb yoxdur. İddialara təəccüblənmirəm. Belə bir şey olacağını bilirdim. Heç biri həqiqəti əks etdirmir. İkimiz də hörmət çərçivəsində münasibətimizə son qoymaq qərarına gəldik”, - deyə Demet Özdemir vurğulayıb. 

Oğuzhana xəyanət etdiyi, məsələnin üstü açıldığı üçün də şiddətə məruz qaldığı deyilən aktrisa dedi-qoduların onu əsəbləşdirdiyini bildirib:

“Münasibət bitəndən sonra danışmaq nə mənə, nə də Oğuzhana yaraşar. Ev, mülk dedi-qoduları da məni çox üzür. Heç biri real deyil. Belə şeylərdən danışmamışıq”.

Demet Özdemir və Oğuzhan Koç boşanmaq qərarına gələndə toylarında toplanan sərvət dəyərindəki zinət əşyalarının kimdə qalacağı da maraq mövzusu olmuşdu. Aktrisa bu suala cavab verməyib. 

Lalə
Sfera.az