Ronaldonun Səudiyyə Ərəbistanındakı lüks evindən görüntülər yayıldı – FOTO
Səudiyyə Ərəbistanının “Əl-Nəsr” komandasında çıxış edən məşhur futbolçu Kriştiano Ronaldonun ailəsi ilə birlikdə Ər-Riyadda yaşadığı evin görüntüləri yayılıb.
Sfera.az xəbər verir ki, futbol tarixinin ən böyük müqaviləsi ilə “Mançester Yunayted”dən sonra Səudiyyə Ərəbistanının “Əl-Nəsr” komandasına transfer olunan Ronaldo Ər-Riyadda krallar kimi yaşayır.
İllik 214 milyon dollara imza ataraq rekord qıran ulduz futbolçu mətbuat konfransında “Avropada işlərim bitdi, bütün kubokları qazandım. Burada xoşbəxtəm, bilik və təcrübəmlə buradakı insanlara töhfə vermək istəyirəm” deyərək Səudiyyə Ərəbistanında ürəkləri fəth etmişdi.
Ronaldonun hazırda yaşadığı ev ötən gün investisiya mütəxəssisi Robert Ekklsin radio proqramına mövzu olub. Bildirilib ki, transferdən sonra nişanlısı Corcina Rodriqez və 4 uşağı ilə Ər-Riyada köçən məşhur ulduzun yaşadığı mənzil göz qamaşdırır. Mənzil şəhərin ən prestijli binalarından biri olan “Four Seasons Riyadh”da yerləşir. Ronaldo bu penthaus üçün ayda 300 min dollar kirayə verir.
Digər tərəfdən, məşhur idmançının Madriddəki evini kirayəyə vermək istədiyi də öyrənilib. Onun 4,8 milyon funt-sterlinq dəyərində olan lüks evi üçün 8800 funt-sterlinq kirayə istədiyi iddia edilib. İngilis qəzetləri bu məsələyə diqqət çəkərək portuqaliyalı ulduzun təkrar İspaniyada oynamaq ehtimalının olmadığını yazıblar.
Lalə
Sfera.az