49 yaşlı Tob Beyli qonşusunun avtomobilini bir gündən çox müddətə yolunu bağladığına görə qara sellofana büküb.

Sfera.az xəbər verir ki, hadisə ABŞ-nin Kent ştatının Margate şəhərində baş verib.

Tob Bailey bununla evinin qarşısındakı keçidi və parkinqini qadağan edən işarəyə məhəl qoymayan və keçidi davamlı şəkildə bağlayan qonşusuna dərs vermək istəyib:

"Mən 26 ev və 24 parkinq yeri olan bir küçədə yaşayıram. Keçən il səki çəkmək və "parkinq qadağandır" nişanlarını quraşdırmaq üçün təxminən 2000 funt sterlinq xərcləmişik.Lakin insanlar hələ də qadağalara məhəl qoymurlar".

Tobun dediyinə görə, bir axşam işdən evə gələrkən evin kənarında dayanan avtomobil görüb və xəbərdarlıq edib:

"Qeyd yazıb qabaq şüşəyə yapışdırdım ki, sahibi maşınını aparsın. Heç nə olmadı. Yemək yemək üçün evdən çıxdım və geri qayıdanda gördüm ki, avtomobil hələ də oradadır. Ertəsi gün də orada idi və qızım bundan şikayətlənirdi. Artıq dözə bilmədim və onun maşınını zibil sellofanına bürüdüm!".

Tob Beyli bildirib ki, yalnız bundan sonra qonşusu ondan üzr istəyərək maşını evinin qarşısından geri çəkib və bir daha orada maşın saxlamayacağını bildirib:

"Mən pis insan deyiləm, sadəcə öz fikirlərimi gülməli və zərərsiz şəkildə çatdırmağı xoşlayıram".

Aynil