Rusiyanın Krasnoyarsk diyarının Norilsk şəhərində 2 yaşlı qız maqnit idduqdan bir ay sonra dünyasını dəyişib.

Sfera.az Rusiya mediasına istinadən xəbər verir ki, uşaq martın 12-də maqniti udub. Bundan sonra qusma və qarın nahiyəsində şiddətli ağrılar başlayıb. Ertəsi gün zərərçəkmiş xəstəxanaya yerləşdirilib. Martın 19-da uşağın səhhəti kəskin pisləşib və həkimlər iki yaşlı uşağı süni nəfəs aparatına qoşmalı olublar. Həkimlərin qızın həyatını xilas etmək cəhdlərinə baxmayaraq, o, aprelin 14-də dünyasını dəyişib.

Rusiya mediası xəbər verir ki, oxşar hadisə bir müddət əvvəl Omskda baş verib. Burada 8 yaşlı uşaq maqniti udduqdan sonra komaya düşüb və xəstəxanada bütün müdaxilələrə baxmayaraq dünyasını dəyişib.

Vasif

Sfera.az