Ermənistanda qadınlar hərbi xidmətə çağırılacaq

Ermənistanda qadınlar 6 aylıq hərbi xidmətə çağırılacaq.

Sfera.az xəbər verir ki, bu gün Ermənistan parlamentində "Hərbi xidmət və hərbi qulluqçuların statusu haqqında” qanuna dəyişiklik layihəsi təsdiqlənib, ona əsasən, qadın vətəndaşlar da müddətli həqiqi hərbi xidmətə çağırıla bilərlər. Qadınlar üçün hərbi xidmət müddəti isə 6 aydır.


“Xidmət könüllü olacaq, lakin hərbi xidmətə çağırıldıqdan sonra vətəndaş 6 ay xidmət keçməli olacaq. Ermənistan hökumətinin qərarına əsasən, hərbi xidməti başa vurduqdan sonra onlar üçün nəzərdə tutulan bir milyon dram məbləğində qonorar təyin edilməlidir”, - deyə Ermənistanın müdafiə naziri Suren Papikyan öz çıxışında bildirib.
 

Əzizə Zeynal
Sfera.az