Bayden cütlüyü ötən il nə qədər gəlir əldə edib?
Ağ Ev ABŞ prezidentinin və vitse-prezidentin vergi bəyannamələrinin şəffaf şəkildə dərc edilməsi təcrübəsini bərpa edib.
Sfera.az xəbər verir ki, ABŞ prezidenti Co Baydenin sələfi Donald Trampın administrasiyası bu təcrübədən yayınmışdı. Ancaq Prezident Co Bayden və həyat yoldaşı Cil Baydenin il ərzində nə qədər gəlir əldə etdiyi açıqlanıb.
Bildirilib ki, cütlük keçən il 579 min 514 min ABŞ dolları qazanıb.
Bayden cütlüyü əvvəlki ilə nisbətən 30 min dollar az qazandığı halda, gəlirin böyük hissəsi (400 min dollar) bir illik prezident maaşından əldə edilib.
Amerikanın CNN telekanalının xəbərinə görə, müəllimlik fəaliyyətini davam etdirən Cil Bayden keçən il cəmi 82 min 335 dollar qazanıb.
Cütlük ümumilikdə 137 min 658 dollar gəlir vergisi ödəyib. Onlar xeyriyyə təşkilatlarına cəmi 20 min dollar bağışlayıb.
Lalə
Sfera.az