Türkiyəli aparıcı Defne Samyeli qızı Derin Talunun sevgilisi Emircan Şahin tərəfindən döyülməsi ilə bağlı iddiaları təsdiqləyib.

Sfera.az Türkiyə mətbuatına istinadən xəbər verir ki, aparıcı ötən gün Etilerdə görüntülənib. O, 19 yaşlı qızı Derin Talunun sevgilisi Emircan Şahin tərəfindən döyülməsi xəbərindən ilk dəfə danışıb.

Samyeli “Bəli, xəbər doğrudur. Qızım döyülüb”, - deyib.

Aparıcı məsələ ilə bağlı digər suallara cavab vermək istəməyib: “Bu məsələ ilə bağlı qəti fikir bildirmək istəmirəm. “Xəbər doğrudur” deyim, kifayətdir”.

O, məhkəməyə müraciət edib-etməyəcəkləri ilə bağlı suala da “danışmayacağam” cavabını verib.

Qeyd edək ki, uzun müddətdir iş adamı Baran Tınazla sevgili olan Defne Samyelinin böyük qızı Deren Talu da son həftələrdə münasibətinə son qoyub. Sürpriz ayrılıqdan sonra Tınazın Talunu döydüyü iddia edilib. Deren Talu isə bu iddiaları təkzib edib. O, sosial media hesabında bu barədə açıqlama verib.

"Baran Tınaz tərəfindən döyüldüyüm və buna görə ayrıldığımızla bağlı deyilənlər həqiqətə uyğun deyil. Üç il hörmət və sevgi ilə yaşadığım bir insanın adının zorakılıq iddialarında hallanmasına təəssüf edirəm”, - deyə Deren qeyd edib.

Lalə
Sfera.az