Bu gün Yəmənin paytaxtında adambaşına 9 dollar dəyərində humanitar yardım almağa çalışan azı 78 nəfər həlak olub.
 

Sfera.az bildirir ki, humanitar yardım almaq istəyən 80-ə yaxın adam ölüb, onlarla insan yaralanıb, onlardan ən azı 13 nəfərin vəziyyəti ağırdır.
 

Bildirilir ki, onlarla insanın ölümünə müsəlmanların müqəddəs Ramazan ayının son günlərində humanitar yardım növbələrində yaranan izdiham səbəb olub. Yüzlərlə insan 5000 Yəmən rialı almaq üçün məktəbə toplaşıb ki, Qeyd edək ki, 5000 Yəmən rialı təqribi 9 dollara bərabərdir.
 

Yardım istəyənlərin çoxu yaralanıb, onlardan ən azı 13 nəfərin vəziyyəti ağırdır.


Jurnalistlərin məlumatına görə, Yəmənin Daxili İşlər Nazirliyi xeyriyyə aksiyasının təşkilinə görə məsul olan iki nəfərin həbs edildiyini açıqlayıb. Faktla bağlı araşdırma aparılır.
 

KİV-in məlumatına görə, güclü izdihamın səbəbi husilərin kütləni nəzarətdə saxlamağa çalışaraq havaya atəş açması nəticəsində yaranan panika olub. Nəticədə elektrik naqilinin zədələndiyi və partlayış səsinin eşidildiyi ehtimal edilir.
 

Sənadakı Əl-Təvra xəstəxanasının direktor müavini Həmdan Baqeri ən azı 73 yaralının xəstəxanaya yerləşdirildiyini bildirib. Ölənlər arasında qadın və uşaqların da olduğu bildirilir.
 

Yəmən Daxili İşlər Nazirliyinin sözçüsü Abdel-Xalek əl-Agri bildirib ki, faciəyə yerli rəsmilərin razılığı olmadan vəsaitlərin təsadüfi paylanması səbəb olub.
 

Xatırladaq ki, martın 31-də Pakistanın Kəraçi şəhərində Ramazan ayında ərzaq paylama mərkəzində azı 11 nəfərin öldüyü məlum olub. Polisin məlumatına görə, səkkiz qadın və üç uşaqdan ölüb.


Ötən il oktyabrın 30-da Seulun mərkəzində Hellouin bayramının qeyd edilməsi zamanı yaranan izdiham nəticəsində isə 151 nəfərin öldüyü məlum olmuşdu. Bundan başqa, azı 82 nəfər müxtəlif dərəcəli bədən xəsarətləri ilə xəstəxanalara yerləşdirilib.