“Ermənistan KTMT missiyasını qəbul etməyə hazırdır”.

Sfera.az bildirir ki, bunu Nikol Paşinyan Rusiya Federasiyasının KTMT missiyasını Ermənistan ərazisində yerləşdirməyə hazır olmasına dair fikirləri şərh edərkən deyib.

“Təkcə Rusiya deyil, Ermənistan da buna hazırdır. Bizim istəyimiz mümkün missiyanın effektiv olmasıdır. Bu, həm Ermənistan, həm KTMT, həm də region üçün vacibdir. Bu istiqamətdə müzakirələri davam etdiririk”, - deyə Paşinyan bildirib.

O həmçinin qeyd edib ki, KTMT və Avropa İttifaqının (Aİ) missiyalarını müqayisə etmək olmaz, çünki Ermənistanın olduğu kimi KTMT-nin də Ermənistan qarşısında təhlükəsizlik öhdəlikləri var: “Bizim KTMT missiyasından gözləntilərimiz Aİ missiyasından daha çox olmalıdır”.

Xatırladaq ki, bundan əvvəl KTMT Katibliyinin nümayəndəsi Yuri Şuvalov qurumun Ermənistan-Azərbaycan sərhədinə missiya göndərməyə hazır olduğunu bəyan edib.

Günay Rəsulqızı