Almaniya Rusiyanın hücumlarına qarşı Ukraynaya dəstəyini davam etdirir.

Sfera.az xəbər verir ki, Almaniya hökuməti “Patriot” hava hücumundan müdafiə sisteminin Ukraynaya çatdırıldığını açıqlayıb.

Almaniya federal hökumətinin rəsmi saytında verilən açıqlamada Ukraynaya Patriot hava hücumundan müdafiə sistemi və döyüş sursatının çatdırıldığı bildirilib.

Bundan əlavə, Ukraynaya 16 “Zetros” markalı yük maşını və daha 2 sərhəd mühafizə maşınının göndərildiyi qeyd olunub.

Məlumata görə,2022-ci il yanvarın 1-dən 2023-cü il aprelin 17-dək Ukraynaya 2,7 milyard avro dəyərində hərbi texnikanın göndərilməsi təsdiqlənib.

Xatırladaq ki, Almaniya hökuməti ötən ilin yanvarında Ukraynaya Patriot hava hücumundan müdafiə sistemi verəcəyini açıqlamışdı.

Lalə
Sfera.az