Şimali Koreyanın kosmik proqramı - Kim Çen In casus peyklər şəbəkəsinin yerləşdirildiyini elan etdi
Şimali Koreya lideri Kim Çen In ölkənin kəşfiyyat imkanlarını artırmaq üçün casus peyklər şəbəkəsinin yerləşdirilməsinə göstəriş verib.
Sfera.az bildirir ki, Şimali Koreya liderinin sözlərinə görə, hərbi kəşfiyyat sahəsində tədbirlərin görülməsi KXDR-in hərbi potensialının artırılması və ABŞ-Cənubi Koreya alyansına qarşı mübarizə üçün mühüm və prioritet vəzifədir.
Kim Çen In aprelin 18-də Şimali Koreya Kosmik Tədqiqatlar Agentliyinin qərargahına baş çəkib və səfər zamanı rəsmilərə plana uyğun olaraq ilk hərbi kəşfiyyat peykinin buraxılmasına hazırlaşmağı əmr edib.
Həmçinin səfər zamanı o, Şimali Koreyanın iqtisadiyyatının, elminin və texnologiyasının qlobal inkişafı üçün əsas amil kimi kosmonavtikanın inkişafının vacibliyini vurğulayıb.
Bu hadisə ilə əlaqədar müşahidəçilər qeyd edirlər ki, 2022-ci ilin dekabrında Pxenyan Seulun və paytaxtın 27 kilometr qərbində yerləşən İnçondakı limanın eksperimental peykdən götürüldüyü iddia edilən aşağı ayırdetmə qabiliyyətinə malik ağ-qara fotoşəkilləri dərc edib.
Yeri gəlmişkən, KXDR gələn ilin aprelində ilk hərbi kəşfiyyat peykinin hazırlanmasını başa çatdırmağı planlaşdırır, lakin bu gün onun buraxılışının ilkin tarixi gizli saxlanılır.
Bundan əvvəl Şimali Koreyanın aprelin 14-də yeni bərk yanacaqlı qitələrarası “Hvasonq-18” ballistik raketinibburaxdığı bildirilirdi. Bununla əlaqədar olaraq, buraxılışa rəhbərlik edən KXDR rəhbəri Kim Çen In bildirib ki, yeni raket potensial düşmənləri daha aşkar təhlükəsizlik böhranı yaşamağa məcbur edəcək.
Martın sonunda Kim Çen In hərbçilərə KXDR-in nüvə potensialını artırmağı əmr edib. Şimali Koreya lideri həmçinin qeyd edib ki, davam edən taktiki təlimlər hərbi qulluqçuların real döyüş əməliyyatlarına hazırlıq səviyyəsini xeyli artırıb və bununla bağlı istənilən vaxt nüvə silahından istifadə etməyə hazır olmağa çağırıb.
Aynil
Sfera.az