ABŞ-ın Ohayo ştatında 13 yaşlı Ceykob Stivens yeni məşhur TikTok trendini təkrarlamaq üçün qəbul etdiyi reseptsiz dərmanın həddindən artıq dozası nəticəsində faciəvi şəkildə ölüb.

Sfera.az bildirir ki, Jacob Stevens adlı azyaşlı uşaq "Benadryl Challenge" yarışmasında iştirak etmək istəyib.

Qeyd edək ki, "Benadryl Challenge" iştirakçıların halüsinasiyalar yaratmaq üçün həb qəbul etdiyi yarışmadır. 12-14 antihistaminik həb qəbul edən uşağın bədəni buna dözməyib, həkimlər də ona kömək edə bilməyiblər.
 

“The New York Post” bildirib ki, potensial olaraq bu tendensiya 2020-ci ildə yaranıb.


Jacobun atası Castin KİV-ə bildirib ki, oğlu keçən həftə sonu həddindən artıq dozanı qəbul edən zaman dostları ilə evdə olub.
 

"O, həbləri udub. Onun bədəni üçün bu doza çox olub"-deyə uşağın atası bildirib.
 

Yakob təcili olaraq xəstəxanaya çatdırılaraq, süni nəfəs aparatına qoşulub. Həkimlərin səylərinə baxmayaraq, uşaq 6 gün sonra dünyasını dəyişib. Atası oğlunun bir daha oyanmayacağı barədə dəhşətli xəbəri aldığını acı içərisində xatırlayır.
 

"Beyin tomoqrafiyasına baxdıq, heç nə yox idi. Dedilər ki, onu süni nəfəs aparatında saxlaya bilərik, amma o, heç vaxt oyanmayacaq, heç vaxt gözlərini açmayacaq, nəfəs almayacaq, gülümsəməyəcək, yeriməyəcək və danışmayacaq"- deyə o biıdirib.
 

Bu hadisədən sonra kişi digər valideynlərə xəbərdarlıq edib ki, övladlarının sosial şəbəkələrdə nə etdiklərinə mütləq baxsınlar.


“The New York Post” qeyd edir ki, Jacob “Benadryl Challenge”in ilk qurbanı deyil. 2020-ci ilin avqustunda 15 yaşlı qız bu təhlükəli kaskadyorluğa cəhd edərkən allergiya dərmanının həddindən artıq doza qəbulu nəticəsində ölüb.

Aysel

Sfera.az