Azərbaycanda son bir ildə mal-qara sayında azalma müşahidə edilir. 

Sfera.az bildirir ki, son bir ildə iribuynuzlu mal-qara sayı 2,667 milyon başdan 2,552 milyon başa qədər azalıb. 

İri heyvanların sayında azalma inək və camışlar arasında da qeydə alınıb. Bir il əvvəl 1,295 milyon baş olan inək və camış sayı hazırda 1,253 milyon başdır. 

Xırdabuynuzlu heyvan sayında azalma daha çoxdur. Son bir ildə qoyun və keçilərin sayı 8,169 milyon başdan 7,361 milyon başa qədər düşüb. Qısa müddətdə qoyun və keçi sayı 800 min başdan çox azalıb. 

Mal-qara sayında azalma yaxşı göstərici deyil. Çünki ölkəmiz onsuz da daxili imkanlar hesabına inək və qoyun ətinə olan tələbatını tam ödəyə bilmir. Xüsusilə iribuynuzlu heyvanlarla təminatda idxaldan asılılıq yüksəkdir. Buna görə də mal-qara sayının azalması idxal mallarına olan tələbi bir qədər də artıracaq ki, bu da qiymətlərə təsir edəcək. Əgər heyvan sayında azalma dinamikası davam edərsə, ölkəmizdə inək və qoyun əti bir qədər də bahalaşacaq. 

Vasif