Pilot Amelia Earhartın qəzadan sağ çıxmış kimi göstərilən SİRLİ FOTOSU
Məşhur pilot Amelia Earhart və onun naviqatoru Fred Noonanın taleyi bu gün də açılmamış sirrlərdən biridir.
Sfera.az bildirir ki, Amelia Earhartın işi bu gün də sirr olaraq qalan bir neçə hadisədən biri olsa da, BoredPanda-da rastlaşdığımız şəkil vəziyyəti kökündən dəyişə bilər.
Yer kürəsini dövrə vuran ilk qadın pilot olmaq üçün səyahətinin son mərhələsində nə baş verdiyini heç kim həqiqətən bilmir.
80 il əvvəl, 2 iyul 1937-ci ildə onların təyyarəsi Papua-Yeni Qvineyadan şərqə gedərkən Cənubi Sakit okean üzərində itib.
Earhart son radio mesajında yanacaqlarının tükəndiyini bildirdiyi üçün insanların çoxu təyyarənin dənizə düşdüyünü güman edirdi.
Lakin ABŞ Maliyyə Nazirliyinin təqaüdçü zabiti Les Kinney tərəfindən 2012-ci ildə aşkar edilən bu fotoşəkil onların həqiqətən sağ-salamat yerə endiyi və yaponlar tərəfindən tutulduğu nəzəriyyəsini praktiki olaraq ortaya qoyub.
Fotoda Marşal adalarında Noonan və Earhart olduğu düşünülən iki nəfər göstərilir. Həmin vaxt Marşal adaları Yaponiya mühasirəsi altında idi.
Mütəxəssislər fiqurun saç düzümü və burnunun Noonanınkinə uyğun gəldiyini düşünürlər.
Qadının saçları da Earhartın ikonik qısa saç düzümündədir.
Üstəlik, fotoda Yapon hərbi gəmisinin Amelia Erhartın gəmisinə bənzəyən bir təyyarəni vurduğunu müşahidə etmək olar.
Bu nəzəriyyə daha əvvəl irəli sürülüb, lakin indiyə qədər onu dəstəkləyəcək heç bir fotoşəkil olmayıb.
Bu nəzəriyyəni irəli sürən keçmiş FBİ agenti Shawn Henry deyib:
“Bu, mütləq tarixi dəyişir. Düşünürəm ki, biz sübut etdik ki, Amelia, şübhəsiz ki, sağ qalıb, yaponlara əsir düşüb və ölənə qədər Saipan adasında saxlanılıb”.
Aysel
Sfera.az