Məhbus son yeməyinə 29 min kalori qəbul edib - FOTO
2012-ci ildə Gary Carl Simmons Missisipi ştatının həbsxanasında (ABŞ) edam edilib. Ölümündən əvvəl o qədər yemək sifariş edib ki, onları axıra qədər yeyə bilməyib.
Sfera.az bildirir ki, “Qəssab” adı ilə tanınan cinayətkar son dərəcə qəddar olub. 1996-cı ildə şəriki ilə münaqişə zamanı onu öldürüb tikə-tikə doğrayıb, sonra cəsədini alliqatorlar tərəfindən yeməyə verib.
Nəşr qeyd edir ki, həmin şəxs 2012-ci il iyunun 20-də saat 18:00-da 49 yaşında ölümcül iynə vurularaq edam olunana qədər həbs cəzası çəkib.
Ömrünün son anlarında Simmons dəbdəbəli şam yeməyi sifariş edib. Bu, bəlkə də ölüm hökmü tarixində ən böyük şam yeməyi olub. Menuda bir neçə nəfəri eyni anda doyurmaq üçün kifayət qədər yemək olub.
“Qəssab” göbələk, soğan, jalapeno bibəri və pepperoni ilə ikiqat pizza, həmçinin üç pendir, zeytun, şirin bibər, pomidor, sarımsaq və italyan kolbasa ilə adi pizza sifariş edib. O, sifarişini bir neçə qutu pendir, souslar, çiyələkli böyük porsiya kokteyllər, albalı kola, kartof qızartması və çiyələkli dondurma ilə tamamlayıb.
Edamdan 90 dəqiqə əvvəl adam çipsdən başqa hər yeməyin dadına baxaraq, yeməyinin yalnız yarısını yeyə bilib. Sifariş edilən yeməyin ümumi kalori miqdarı təxminən 29.000 kalori olub.
Aynil
Sfera.az