Lavrovdan diqqətçəkən Ukrayna MESAJI: “Savaşın başa çatması üçün..”
“Ukraynadakı münaqişənin mümkün qədər tez bitməsini istəyirik”.
Sfera.az bildirir ki, bunu Rusiyanın xarici işlər naziri Sergey Lavrov Braziliyada həmkarı Vieyra ilə görüşü zamanı deyib. O, müharibənin başa çatması üçün şərtləri açıqlayıb.
“İlk növbədə, Ukrayna ərazisində Rusiya Federasiyasının təhlükəsizliyinə təhdidlərin olmamasını təmin etməliyik. Qərb uzun illərdir ki, belə planları həyata keçirir. İkinci vəzifəmiz isə Ukrayna parlamenti tərəfindən qəbul edilmiş bir sıra qanunlarla illərdir hüquqları pozulan Rusiya təhsilini, mediasını, mədəniyyət tədbirlərini və digər fəaliyyətlərini birdəfəlik qadağan edən, Ukrayna kitabxanalarında milyonlarla cildlik rusdilli kitabların qəsdən məhv edildiyi Şərqi və Cənubi Ukraynanın rusdilli əhalisinin həyatını qorumaqdır. Əminəm ki, bu məqsədlər milli azlıqların hüquqlarının müdafiəsi və təminatı ilə bağlı beynəlxalq konvensiyalarda təsbit olunmuş prinsiplərə sadiq qalan hər kəs üçün eynidir”, - Lavrov əlavə edib.
Qeyd edək ki, Rusiyanın xarici işlər naziri Lavrov rəsmi danışıqlar aparmaq üçün Braziliyaya gedib.
Türkan