Neft Fondunun aktivləri 53,4 milyard dolları ötüb – RƏSMİ
Azərbaycan Respublikası Dövlət Neft Fondunun (ARDNF) aktivlərində nəzərəçarpacaq artım qeydə alınıb.
Sfera.az ARDNF-ə istinadən xəbər verir ki, ötən ilin sonunda 49,034 milyard dollar olan aktivlərin həcmi 2023-cü ilin aprelin 1-də 9 faiz, yəni 4,4 milyard dollardan çox artaraq 53 437,6 milyard dollara çatıb.
2023-cü ilin yanvar-mart ayları ərzində ARDNF-nin büdcə gəlirləri 7 643,3 milyard manat, büdcə xərcləri 1,584 milyard manat olub.
2023-cü ilin yanvar-mart ayları ərzində ARDNF-nin neft və qaz sazişlərinin həyata keçirilməsi ilə bağlı gəlirləri 5,596 milyard manat, o cümlədən mənfəət neftinin və qazın satışından 4,83 milyard manat, bonus ödənişləri 765,3 milyon manat, tranzit gəlirləri 0,8 milyon manat təşkil edib.
Fondun vəsaitlərinin idarə olunmasından əldə edilən gəlirlər isə 2,047 milyard manat olub.
Valyuta məzənnələrinin dəyişməsindən yaranan fərq ilə bağlı ARDNF-nin büdcədənkənar gəlirləri 1,4276 milyard manat təşkil edib.
Birinci rübdə ARDNF-nin 2023-cü il büdcəsinin icrası çərçivəsində 1,576 milyard manat vəsait dövlət büdcəsinə transfert olunub.
Vasif