"Beynəlxalq ictimaiyyət 29800 kv.km ərazinin tanındığını açıq şəkildə bəyan etdikdə Ermənistan və region üçün sülh gələcək". 

Sfera.az xəbər verir ki, bunu Ermənistanın Baş naziri Nikol Paşinyan Ermənistan parlamentində 2022-ci il üçün hökumət proqramının icrası ilə bağlı hesabatı təqdim edərkən deyib.

O, bundan sonra Ermənistanın heç bir ölkəyə ərazi iddiası olmayacağını bildirəcəyini qeyd edib.

Paşinyan bildirib ki, sülhə nail olmaq dörd qonşu ölkə ilə normal münasibətlərin olması deməkdir: 

"Gürcüstan və İran məsələsində söhbət əməkdaşlığın daha da dərinləşdirilməsindən gedir, müvafiq olaraq daha çox Türkiyə və Azərbaycanla münasibətlərin normallaşdırılmasından danışırıq. Siyasi və diplomatik sahədə kompromislər əldə olunarsa, bu, Ermənistan vətəndaşları üçün nə dərəcədə məqbul olacaq? Vətəndaşları inandırmaq Ermənistan hakimiyyətinin funksiyasıdır.  İnsanlar başa düşdükdən sonra bu qərarlarla razılaşacaqlar".

Onun sözlərinə görə, bu edilməsə, o zaman Ermənistanın inkişafına heç kim imkan verməyəcək.

Əzizə Zeynal