Britaniya baş nazir Sunaka qarşı təhqiqat başladıldı
Böyük Britaniyanın baş naziri Rişi Sunak parlamentin sui-istifadə ilə mübarizə komissiyası tərəfindən araşdırma obyekti olub.
Buna səbəb onun maraqların toqquşması barədə bəyanat verməməsi olub.
Sfera.az bildirir ki, Böyük Britaniyanın baş nazirinə təhqiqat onun həyat yoldaşı Akşata Murtinin ortaq olduğu uşaq baxım agentliyinin büdcə siyasətindəki dəyişikliklərdən faydalanacağı ortaya çıxandan sonra başlayıb.
Məlumata görə, baş nazir keçən ay parlament komitəsinin iclasında uşaq baxımı sahəsində islahatlardan danışarkən həyat yoldaşının marağına toxunmayıb.
Britaniya mediasının məlumatına görə, bazar ertəsi parlamentin standartlar üzrə komissarı bildirib ki, baş nazirin maraqlarını bəyan etməməsi ehtimalı ilə bağlı araşdırma aparılır.
“Downing Street”dəki mənbə jurnalistlərə araşdırmanın “Koru Kids” uşaq baxımı agentliyi ilə bağlı olduğunu təsdiqləyib. Qeyd olunur ki, bu araşdırma baş nazir Akştata Murtinin həyat yoldaşının maliyyə və biznes maraqlarının ərinin siyasi diqqət mərkəzində olduğu ilk dəfə deyil.
Yüz milyonlarla funt-sterlinq dəyərində olan varis “The Independent” keçən il onun qeyri-kommersiya təşkilatına çevrilərək vergilərdən yayındığını açıqladıqdan sonra tənqid atəşinə tutulub. Açıqlamalar qəzəb doğurandan sonra o, bu statusdan imtina edib.
Qeyd edək ki, Sunak keçən ay Əlaqələr Komitəsinin iclasında çıxış edərkən büdcə ilə bağlı potensial maraq toqquşmaları barədə sorğulanıb. Leyboristlərdən olan deputat Katherine McKinnellin hesabat verəcəyi ilə bağlı sualına o:
“Xeyr, mənim bütün təfərrüatlarım adi qaydada açıqlanır”-cavabı verib.
Qeyd edək ki, “Koru Kids” hökumətin elan etdiyi uşaq baxımı islahatı büdcəsinin bir hissəsi olaraq pilot sxemdə məsləhətləşən altı özəl uşaq baxımı agentliyindən biridir.
Rishi Sunakın mövqeyi 4 aprel 2023-cü il tarixli Əlaqə Komitəsinə ünvanladığı məktubda Sunak marağını düzgün ifadə etdiyini və heç bir problem olmadığını qeyd edib.
"Qeyd edirəm ki, mediada həyat yoldaşımın “Koru Kids”də azlıqda iştirak payı olması ilə bağlı məlumatlar yayılıb. Komitə baş nazir kimi mənə suallar verib. Parlamentin protokolu üçün aydınlaşdırmaq istəyirəm ki, bu maraq Nazirlər Kabinetinin İdarəsi qanununda düzgün göstərilib. .Nazirlərin maraqlarının ən son siyahısı tezliklə müstəqil məsləhətçi ser Laurie Magnus tərəfindən dərc olunacaq”- Sunak açıqlamasında bildirib.
Aynil
Sfera.az