Yaponiya hökuməti mübahisəli qərarı təsdiqləyərək ölkədə ilk qumarxananın tikintisinə yaşıl işıq yandırıb.

Sfera.az xəbər verir ki, xarici turistləri ölkəyə cəlb edəcəyi gözlənilən kazinonun Osakada 2029-cu ildə açılması planlaşdırılır.

Osaka və Naqasaki yerli hökumətləri uzun müddətdir ki, qumarxanaların da daxil olduğu yeni kurortların tikintisi üçün razılıq əldə etmək istəyirdilər.

Baş nazir Fumio Kişida bildirib ki, yeni kompleks regionun inkişafına kömək edəcək və “Yaponiyanın cazibəsini dünyaya yayacaq turizm bazasına çevriləcək”. 
Osakada açılacaq kazinoda 2500 nömrəli üç otel də yer alacaq.

Hökumət bunların ölkəyə hər il 20 milyon yerli və xarici ziyarətçi, yəni 8,6 milyard dollar gəlir gətirəcəyini gözləyir.

Lalə

Sfera.az