Rusiya Sakit Okean Donanması "müharibə üçün yüksək hazırlıq" vəziyyətinə keçdi
Rusiya Sakit Okean Donanmasını "müharibə üçün yüksək hazırlıq" vəziyyətinə gətirib.
Sfera.az bildirir ki, bunu Rusiyanın müdafiə naziri Sergey Şoyqu nazirlik rəsmiləri və komandirlərlə keçirdiyi görüşdə açıqlayıb.
O, Sakit Okean Donanmasının müdafiə qabiliyyətinin artırılması məqsədilə qəfil yoxlamaya başlanıldığını və donanmanın döyüşə yüksək hazırlıq vəziyyətinə gətirildiyini bildirib:
“Bu gün saat 09:00-a (Vladivostok vaxtı ilə) olan məlumata görə, Sakit Okean Donanması bütün qüvvələri ilə döyüşə yüksək hazırlıq vəziyyətinə gətirilib. Bu yoxlamanın əsas məqsədi Rusiya Silahlı Qüvvələrinin okean və dəniz istiqamətindən mümkün düşmən hücumunu dəf etmək imkanlarını artırmaqdır".
Təlimin Yaponiya ilə münaqişənin olduğu Kuril və Saxalin adalarında keçiriləcəyini bildirən Şoyqu “Bu yolla düşmənin Kuril və Saxalin adalarına qarşı mümkün hücumları dəf ediləcək”, - deyib.
Rusiya Müdafiə Nazirliyi Sakit Okean Donanmasını qəfildən müharibəyə yüksək hazırlıq vəziyyətinə saldıqdan sonra Kreml də məsələ ilə bağlı açıqlama yayıb. Kremlin sözçüsü Dmitri Peskov bunun adi bir sınaq olduğunu və Rusiya Silahlı Qüvvələrinin müharibəyə hazır olması üçün bu istiqamətdə tətbiqatların aparıldığını bildirib.
Lalə
Sfera.az