Amerika kəşfiyyat agentlikləri Ukrayna Prezidenti Volodimir Zelenskiyə casusluq edib.

Sfera.az bildirir ki, bu barədə  "RİA Novosti" Pentaqonun internetə sızan məxfi sənədlərinə istinadən xəbər verib. Bu sənədlərdən biri ABŞ-nin Ukrayna liderini “izlədiyini” ortaya qoyur.

Zelenskiyə yaxın mənbə bu vəziyyətə təəccüblənməyib və bunu “gözlənilən” adlandırıb. Qeyd olunur ki, Ukrayna rəsmiləri məlumatın sızmasından dərin məyus olublar.

Ötən həftə isə məlum olmuşdu ki, ABŞ müdafiə nazirliyi sosial şəbəkədə Ukrayna qoşunlarının vəziyyətini və ABŞ və NATO-nun onları gücləndirmək planlarını təsvir edən materialların sızmasını araşdırır. Martın əvvəlinə aid sənədlər, guya, “Rusiya hökumətyönlü Telegram kanallarında” yayılıb. Rusiya prezidentinin mətbuat katibi Dmitri Peskov sızma ilə bağlı sualı cavablandırarkən bildirib ki, Rusiya Federasiyası ABŞ və NATO-nun münaqişədə birbaşa və ya dolayısı ilə iştirakına şübhə etmir.

Əzizə