Ukrayna Prezidenti Vladimir Zelenski cümə günü Ramazan bayramını qeyd edən Ukrayna müsəlman əsgərləri ilə iftar süfrəsində iştirak edib.
 

Sfera.az bildirir ki, Krım tatarlarının vahid ali icra-nümayəndəlik orqanı olan Məclisin rəhbərlərinin və müsəlman ruhanilərinin iştirak etdiyi şam yeməyində Zelenski müsəlman icmasına təşəkkür edib.
 

O, Ramazan ayının Ukraynanın hər yerində, hətta cəbhə xəttində, hətta döyüş şəraitində belə hörmətlə qarşılandığını bildirib.
 

2021-ci ilin fevralında Rusiya işğalından sonra Ukrayna 2014-cü ildə Moskva tərəfindən ilhaq edilmiş və hazırda Kremlin nəzarətində olan Krımda Rusiyanın mövqelərinə çoxsaylı zərbələr endirib.
 

Zelenski dəfələrlə Ukrayna xalqının və cəmiyyətinin bir hissəsi olaraq qaldığını bildirən Krımı azad edəcəyinə söz verib.
 

O, Rusiyanın Krımda müsəlmanlara münasibətini də tənqid edib.


“Rusiyanın Ukraynanı və Avropanın digər xalqlarını əsarət altına almaq cəhdi məhz Ukrayna Krımının işğalından, Krımda Ukrayna və Krım tatarlarının azadlığına, Krım müsəlmanlarına qarşı repressiyalardan başlayıb”- deyə Zelenski bildirib.
 

Zelenski Krımın azad edilməsinin təkcə Ukrayna üçün deyil, bütün dünya üçün vacib olduğunu vurğulayıb.

Aysel

Sfera.az