Dünən Ukrayna Prezidenti Volodimir Zelenski ordunun oruc tutan müsəlman əsgərləri lə birgə iftar proqramına qatılıb.

Sfera.az xəbər verir ki, mərasimdə hərbçilərlə yanaşı Türkiyənin Kiyevdəki səfiri Yağmur Ahmet Güldere, Krım Tatar Türklərinin lideri və Ukrayna millət vəkili Mustafa Kırımoğlu, Krım Tatar Milli Məclisinin sədri Rifat Çubarov, Ukraynadakı dini liderlər və müsəlmanlar iştirak ediblər. İftar süfrəsində Zelenski müsəlman icmasına təşəkkürünü çatdırıb. 

Prezident Ramazan ayının Ukraynanın hər yerində, hətta cəbhə xəttində hörmətlə qarşılandığını deyib. 

Zelenski Krımın işğalından sonra yarımadadakı müsəlmanlara Rusiyanın münasibətini də tənqid edib.

“Rusiyanın Ukraynanı və Avropanın digər xalqlarını əsarət altına almaq cəhdi məhz Ukrayna Krımının işğalından, Krımda Ukrayna və Krım tatarlarının azadlığına, Krım müsəlmanlarına qarşı repressiyalardan başlayıb”, - Zelenski bildirib. 

Vasif