2023-cü ilin yanvar-mart aylarında Dövlət Vergi Xidmətinin xətti ilə dövlət büdcəsinə vergidaxilolmalarının həcmi 2022-ci ilin müvafiq dövrü ilə müqayisədə 74,8% artaraq 4 milyard 899,5 milyon manat olub. 

Sfera.az xəbər verir ki, bu haqda məlumatı İqtisadiyyat naziri Mikayıl Cabbarov açıqlayıb. 

Nazir qeyd edib ki, birinci rübdə qeyri neft-qaz sektorundan isə vergi daxilolmaları ötən ilin eyni dövrü ilə müqayisədə 16,4% artaraq 2 milyard 618 milyon manat olub. M.Cabbarov vurğulayıb ki, büdcənin vergi gəlirlərində əhəmiyyətli artımlar iqtisadiyyatımızın dayanıqlılığını gücləndirir.

Xatırladaq ki, ötən ilin birinci rübündə dövlət büdcəsinə vergi daxilolmaları 2,803 milyard manat təşkil etmişdi. Bu ilin ilk 3 ayında vergilərdə 2 milyard manatdan artıq vəsait daxil olub. 

Qeyri neft-qaz sektoru üzrə ötən ilin birinci rübündə vergi gəliri 2,25 milyard manat olmuşdu. Bu ilin 3 ayında qeyri neft-qaz bölməsi üzrə toplanan vergilər 370 milyon manata yaxın artıb. 

Vasif