“FED (ABŞ mərkəzi bankı-red.) ABŞ-də inflyasiyanın azalmasından sonra faiz dərəcələrini aşağı salacaq. Bu səbəbdən dolların gələn il 10-15 faiz ucuzlaşması ehtimalı böyükdür”. 

Sfera.az xəbər verir ki, bu proqnozu baş ofisi Londonda yerləşən, aktivlərin idarə edilməsi ilə məşğul olan “Eurizon SLJ Capital” şirkəti açıqlayıb.

Şirkətin strateqləri Stiven Jen və Joana Freyre açıqladıqları proqnozda qeyd ediblər ki, dollar növbəti 4-6 rübdə enişini davam etdirə və 10-15 faiz ucuzlaşa bilər.

Mütəxəssislər FED-də faiz artırılması dövrünün sonuna çatdığına dair inamın gücləndiyini söyləyiblər. Strateqlər gələn il ABŞ-də inflyasiyanın artdığı sürətlə azalacağını proqnozlaşdırır. 

Hazırda Dollar İndeksi FED-in bu il uçot dərəcəsini endirəcəyi gözləntiləri ilə enmə mərhələsinə keçib. Keçən ilin sentyabr ayı ilə müqayisədə hazırda dollar 10 faiz ucuzdur.

Vasif