“Tesla”nın keçmiş əməkdaşı Owen Diaz şirkəti iş yerində irqçilikdə ittiham edib və 3,2 milyon dollar təzminat alacaq.

Sfera.az bildirir ki, keçmiş qaradərili “Tesla” işçisi iş yerində irqçiliyə görə şirkətdən 137 milyon dollar tələb edib, məhkəmə isə kompensasiyanı 3,2 milyon dollara endirib.
 

Qaradərili bir kişi 2015-2016-cı illərdə “Tesla”nın Fremont zavodunda lift operatoru kimi çalışıb. Onun sözlərinə görə, bütün bu müddət ərzində o, irqi düşmənçilik mühitində olub.

Owen Diaz əvvəlcə şirkətdən 137 milyon dollar təzminat tələb edib. Məhkəmənin qərarı ilə bu məbləğ 3,2 milyon dollara endirilib.


Keçmiş işçi məhkəmədə bir çox qaradərili işçinin irqi ayrı-seçkiliklə üzləşdiyini bildirib. O qeyd edib ki, rəhbərlik bəzi insanların irqi ilə bağlı zarafat etməyə icazə verib.
 

“Tesla”nın baş direktoru Elon Musk isə bu iddiaların yalan olduğunu deyir. O əlavə edib ki, şirkətə yeni sübutlar təqdim etməyə icazə verilsəydi, məhkəmənin qərarı dəyişəcəkdi.
 

Bu arada cəmi bir neçə ay əvvəl satışa çıxarılan 35 Tesla Semi elektrik yük maşınının park əyləcindəki problemlərə görə şirkət tərəfindən geri çağırılıb.

Aynil
Sfera.az