“Forbes” Rusiya vətəndaşı olan milyarderlərin yeni siyahısını açıqlayıb. 

Sfera.az xəbər verir ki, ən zəngin ruslar siyahısında birinci yerdə “EuroChem” və SUEK-in təsisçisi Andrey Melniçenko olub.

Sərvəti 25,2 milyard dollar dəyərində qiymətləndirilən milyarder ilk dəfə bu reytinqə başçılıq edir. 

2022-ci ildə siyahıda birinci yeri NLMK Direktorlar Şurasının sədri Vladimir Lisin tuturdu.  Melniçenko isə ötən il doqquzuncu yerdə qərarlaşmışdı. 

Bu il Lisin üçüncü yerdədir (22,1 milyard dollar sərvəti var), ikinci yerdə “Interros” və “Norilsk Nikel” şirkətinin rəhbəri Vladimir Potanin (23,7 milyard dollar) qərarlaşıb. 
Siyahıda onların ardınca “Novatek PJSC” İdarə Heyətinin sədri Leonid Mixelson (21,6 milyard dollar), “Severgroup” holdinqinin baş direktoru Aleksey Mordaşov və ailəsi (20,9 milyard dollar), Gələcəyimiz Fondunun İctimai Şurasının sədri Vahid Ələkbərov (20,5 milyard dollar), Kontinental Xokkey Liqasının Direktorlar Şurasının sədri Gennadi Timçenko (18,5 milyard dollar), USM-in təsisçisi və əsas səhmdarı Əlişir Usmanov (14,4 milyard dollar), “Alfa-Bank” və “LetterOne”nin təsisçisi Mixail Fridman (12,6 milyard dollar), “Telegram”ın yaradıcısı Pavel Durov (11,5 milyard dollar) gəlir.

Vasif