Son aylarda ABŞ səmasında tez-tez görünən şarlardan Çinin hansı məqsədlə istifadə edildiyi məlum olub. 

Sfera.az xəbər verir ki, ABŞ-nin xüsusi xidmət orqanları şarlardan birində quraşdırılan rabitə vasitələrini izləmək imkanı əldə edib. Məlum olub ki, Çin şarlarda olan texniki vasitələrlə ABŞ-nin hərbi personalını dinləyib və kəşfiyyat məlumatlarını real vaxt rejimində Pekinə ötürüb. 

Şarlardan biri 4 fevral 2023-cü ildə ABŞ-nin Cənubi Karolina yaxınlığında vurulub. “NBC News” xəbər verir ki, həmin şar bir neçə gün ərzində ABŞ üzərində uçub və bu müddət ərzində o, silah sistemlərindən əldə edilən siqnal məlumatları və hərbçilər arasındakı rabitə vasitələri ilə danışıqları toplayaraq Çinə göndərib. 

Buna cavab olaraq ABŞ elektron siqnalları bloklayıb və şarın izləyə biləcəyi obyektlərin bəzilərinin yeri dəyişdirilib. Amerika bununla Çinin daha çox kəşfiyyat məlumatı toplamasının qarşısını alıb. 

Qeyd edək ki, rəsmi Pekin şarların ona məxsus olduğunu təsdiqləsə də, onun kəşfiyyat məqsədilə istifadə edildiyini inkar edib. 

Şarın aşkarlanması ABŞ dövlət katibi Antoni Blinkenin Çinə planlaşdırılan səfərini təxirə salmasına və Vaşinqtonla Pekin arasında onsuz da gərgin olan münasibətləri artırmasına səbəb olub. 

Vasif